Шығыстың бес бірдей білікіті ұстазы «ЖОО-ның үздік оқытушысы 2023» атағына ие болды. Биыл бұл атаққа еліміздің 43 жоғары оқу орнынан 150 ұстаз лайық деп табылған.

Байқауға еліміздің 80 жоғары оқу орнынан барлығы 768 үміткер қатысып бақтарын сынаған. Үздік атанған оқытушылардың арасында С. Аманжолов атындағы ШҚУ-дың 5 ұстазы бар, деп хабарлайды Altaynews.kz тілшісі.

Олар: Ерболатұлы Досым – ф.-м.ғ.к., физика және технология кафедрасының профессоры, Картаева Айжан Маратбекқызы – ф.ғ.д., қазақ, орыс филологиясы кафедрасының профессоры, Сәкенова Римма Ерболатқызы – PhD, физика және технология кафедрасының меңгерушісі, Сулюбаева Лайла Гылыммедденовна – PhD, физика және технология кафедрасының қауымдастырылған профессоры, Ақатан Қыдырмолла – PhD, химия кафедрасының сеньор-лекторы.

– Қадірлі әріптесіміз, филология ғылымдарының докторы профессор Айжан Картаева «Үздік оқытушы-2023» грантының иегері атанды. Мөлдір шықтай таза еңбектің тері, мінезіне біткен табандылық, жоғары интеллектінің арқасы. Шын жүрегіммен құттықтаймын, – дейді әріптесі, ұстаз Бақытжан Келгенбаева.

Жеңімпаздардың әрқайсысына 2000 АЕК көлемінде сыйақы мен арнайы төсбелгі табысталды.