Қазақстан Globalpetrolprices басылымының нұсқасы бойынша бензин бағасы ең арзан топ-20 елдің қатарына енді, деп хабарлайды Altaynews.kz тілшісі Kazinform сілтеме жасап.

Порталда атап өтілгендей, әлем бойынша бензиннің орташа бағасы литріне 1.29 АҚШ долларын құрайды. Сарапшылардың пікірінше, ең арзан бензин Иранда 0.029 долларға сатылады.

Қазақстан рейтингте 11-ші орында. Елде бір литр бензин 0.539 доллар тұрады.

Көршілес Ресей 16-шы орында, онда жанармай құны 0.606 долларды құрайды. Сауд Арабиясында (18-орын) бензин 0.681 долларға, ал Қырғызстанда (25-орын) 0.802 долларға сатылады.

- Әр түрлі елдер арасында бензин бағасында айтарлықтай айырмашылық бар. Әдетте, бай елдердің бағасы жоғары, ал кедей елдер мен мұнай өндіретін және экспорттайтын елдерде айтарлықтай төмен. Тек экономикалық дамыған ел – АҚШ-та бензин бағасы төмен. Әр түрлі елдердегі баға айырмашылығы салықтар мен бензин субсидияларына байланысты, - делінген порталда.

Порталдың мәліметінше, барлық елдер халықаралық нарықта мұнайдың бірдей құнына қол жеткізе алады, бірақ әртүрлі салықтар енгізеді. Нәтижесінде бензин бағасы да өзгереді.

 Айжанат Бақытқызы