48 мың текше метр қар түсірілді – ШҚО
Шығыс Қазақстанның бірнеше ауданында қар көшкінің қаупі сақталуда. Осыған байланысты, «Қазселденқорғау» мен облыстық төтенше жағдайлар департаментінің мамандары жер-жерде профилактикалық жұмыстар жүргізуде.
Облыстық ТЖД-ның баспасөз қызметінен хабарлағандай, қыс маусымының басынан бері ШҚО-ның таулы аймақтарында 29 қар түсіру жұмыстары ұйымдастырылған. Оның нәтижесінде 48 300 текше метр қар түсірілген, деп хабарлады Altaynews.kz тілшісі.
Жарылыс жұмыстары әсіресе, Катонқарағай, Глубокое және Алтай аудандарында жиі жүргізіліпті.
– Мұндай профилактикалық іс-шаралар қысқы демалыс аймақтарында төтенше жағдайлардың алдын алуға және автожолдарды қорғауға бағытталған. Себебі, мұндай жолдармен күн сайын көптеген автотехника қатынайды. Соңғы күндері толассыз жауған қардың әсерінен кей жерлердегі қар жамылғысының тереңдігі бір метрден асып кеткен. Мәселен, Алтай ауданында қардың қалыңдығы 140 сантиметрге дейін жеткен. Осыған байланысты, Шығыс Қазақстанда көшкін қаупі сақталуда, – деп атап өтті «Қазселденқорғау» мекемесі облыстық филиалының басшысы Советбек Станбеков.
Облыстық ТЖД мен «Қазселденқорғау» мамандары тұрғындарға алдағы күндері тауға барудан бас тартуға кеңес береді. Сонымен қатар, төтенше жағдай кезінде бірден 112 нөміріне қоңырау шалу керек екенін ескертеді.
Оқи отырыңыз
ШҚО таулы аймақтарында көшкін жүру қаупі күшейіп тұр"Зырян-Путинцово" тас жолында жалпы көлемі 700 текше метр 2 қар көшкіні түсірілдіОблыстың таулы аймақтарында жалпы көлемі 13450 шаршы метр қар көшкіні құладыӨскемен-Самар автожолындағы көшкін қаупі бар аумақтар тазартылды - ШҚО ТЖДШҚО: Ағымдағы жылы алғаш рет қар көшкіні түсірілді
