Құтқарушылар қарияларға үй шаруашылығына көмектесті
Глубокое ауданындағы төтенше жағдайлар бөлімінің құтқарушылары мен еріктілер жалғызбасты қарияларға көмек қолын созуда.
Облыстық ТЖД баспасөз қызметінен хабарлағандай, бұл күндері арнайы жасақтар егде жастағы тұрғындардың үйлеріне барып, аулаларын қардан тазартуға көмектесуде, деп хабарлайды Altaynews.kz тілшісі.
– Өздеріңіз білетіндей, биыл аймақта қар ерекше қалың түсті. Бәрінен бұрын, мұны жеке тұрғын сектордың халқы сезінуде. Әсіресе, жалғызбасты қарияларға оңай емес. Осыны ескере келе, біз Глубокое ауданы Жастар ресурстық орталығының еріктілерімен бірлесе, қолға күрек алып, аудандағы аталарымыз бен апаларымыздың аулаларын қардан тазалап, мұқтаж жандарға титтей болсын көмек көрсетуге тырысудамыз, – дейді облыстық ТЖД бастығының орынбасары Қуатбек Кенжебекұлы.
Сондай-ақ «Жақсылық акциясы» аясында құтқарушылар мен волонтерлер егде жастағы тұрғындарға үй шаруашылығына да қолғабыс етуде.
Нұржан Кенжеұлы
Оқи отырыңыз
