Оралдағы балабақшада шкаф төрт бүлдіршін мен тәрбиешінінің үстіне құлап кеткен.

Оқыс оқиға жеке балабақшалардың бірінде орын алған, деп хабарлайды Altainews.kz сайты informburo.kz сайтына сілтеме жасап.

Бір сәтке балаларды қараусыз қалдырған тәрбиеші тәртіптік жазаға тартылған.

«Сәби» жекеменшік балабақшасындағы балалардың киімі мен керек-жарағы салынған екі метрлік шкаф кенеттен құлап, астында тәрбиеші мен төрт бүлдіршін қалды. Балабақша қызметкері салмағы ауыр жиһазды қалқалап, орнына қоюға тырысқан. Бірақ оған күші жетпей, өзі де зардап шеккен. Ауруханаға жеткізілген бес жастағы қыздар мен әйелді дәрігерлер қарап, үйлеріне жіберген.

Қазір мектепке дейінгі білім беру мекемесінде қызметтік тексеріс жүргізіліп жатыр. Себебі үлкен шкаф қабырғаға дұрыс бекітілмеуі де мүмкін.

Ал топтағы ұл-қыздарды бір сәтке көзінен таса қылған 47 жастағы тәрбиеші балалардың өмірі мен денсаулығына зақым келуіне жол бергені үшін тәртіптік жазаға тартылды.