Онда қазақстандық он спортшы бақ сынауда.

Семсерлесуден сапы жаттығуы бойынша Тбилиси (Грузия) қаласында әлем кубогының шешуші кезеңі басталды, деп хабарлайды  Altainews.kz тілшісі KAZINFORM ақпаратына сүйеніп.

Турнирдің алғашқы екі күнінде спортшыларымыз жеке сайыс бойынша жүлдеге таласады.

Жеке сайыста бақ сынайтын жерлестеріміз: Руслан Құрбанов, Вадим Шарлаимов, Ерлік Сертай, Никита Жулинский, Александр Савин, Кирил Павлов, Александр Федотов, Богдан Лукин, Георгий Тинников, Алексей Касаткин.

Руслан Құрбанов әлемдік рейтингте 9-орында тұрғандықтан, 1/32 финалдан жарысты бастайды. Қалған спортшыларымыз бастапқы топтық кезеңде сынға түседі.

Додада 29 мемлекеттен 285 спортшы қатысып жатыр.