ШҚТУ бірнеше кәсіпорынмен меморандумға қол қойды
Д.Серікбаев атындағы ШҚТУ-да өткен «Ғылым және өндіріс: міндеттер, шешімдер және стратегиялар» форумы аясында бес кәсіпорынмен меморандум жасалды.
Машина жасау және металлургия саласындағы халықаралық және ұлттық сарапшылардың басын қосқан университет алаңында жоғары оқу орындары мен өндірістік кәсіпорындар, ғылыми зерттеу институттарының өкілдері мемлекет алдындағы ғылыми-техникалық міндеттер бойынша ұсыныстар әзірлеп, тәжірибе алмасты, деп хабарлайды Altainews.kz тілшісі.
– Бүгін біз RnD форумы аясында бірнеше компаниямен меморандумға қол қойдық. Оның негізгі мақсаты - ғылым және білім беру бағытында бірлесе жұмыс істеу. Өңірімізде тау-кен, металлургия бағытындағы компаниялар көп, солармен тығыз жұмыс істеп отырмыз. Ол біріншіден, ғылым және коммерцияландыру жобалары. Университетте қажетті зертханалық жабдықтар бар. Ғалымдар бұл бағытта жақсы нәтиже көрсетуде. Екіншіден, геология, минералогия және барлау бағытында сапалы мамандар даярлауға күш салынады, – деді университеттің Басқарма төрағасы-ректор Сәуле Рахметуллина.
Форум тау кен-металлургия кешенін автоматтандыру, жасанды интеллект, автокөлік жасау кластерін дамыту бағытындағы форсайт сессиялардың жұмысымен жалғасты.
Оқи отырыңыз
