ШҚО-да оқу процесін ұйымдастыру үшін компьютерлік техниканы сатып алудың ашықтығы мен айқындығын қамтамасыз ету мәселелері талқыланды.

Еске салайық, қашықтықтан оқытуды ұйымдастыру мақсатында биыл ШҚО-ға Қазақстан Республикасы Үкіметінің резерві есебінен 4 млрд 105 млн 381 мың теңге бөлінді.

Осыған байланысты ШҚО Білім басқармасы басшысының орынбасары Әсел Қаербекова "Шығыс – адалдық алаңы" жобалық кеңсесімен, Шығыс Қазақстан облысының Сыбайлас жемқорлыққа қарсы қызметінің бірінші орынбасары Жігер Еркінбекұлы Байділдинмен бірлесіп 2020-2021 оқу жылында оқу процесін ұйымдастыру үшін Қазақстан Республикасы Үкіметінің резерві есебінен компьютерлік техниканы сатып алу мәселелері бойынша брифинг өткізді.

- ҚР Үкіметі резервінің қаражаты есебінен компьютерлік техниканы сатып алу "Шығыс – адалдық алаңы" жобалық кеңсесінің, жергілікті атқарушы органдардың, ата-аналар қоғамдастығының өкілдері, депутаттар, тәуелсіз байқаушылар кірген жұмыс тобының қатысуымен ашық өткізілді. Жұмыс тобы отырыстарының хаттамалары негізінде білім басқармасы "XFinity Soluction" ЖШС-мен барлығы 26 689 бірлік техника, оның ішінде 20 176 мың ноутбук, 2759 компьютер, 3754 планшет сатып алуға шарт жасасты, - дейді ШҚО Білім басқармасы басшысының орынбасары Әсел Қанатқызы.

Компьютерлік техниканың бағасы Білім және ғылым министрлігі ұсынған бағалар шегінде құрады:

компьютерлер – бірлік үшін 168 500 теңге;

планшеттер-бірлік үшін 81 500 теңге;

Ноутбуктер-бірлік үшін 160 000 теңге.

Аудандық және қалалық білім бөлімдері техникалық құралдарға мұқтаж балалардың, мұғалімдердің тізімін жасады, басымдылыққа әлеуметтік осал топтардың балалары кірді.

- Бүгінде компьютерлік техниканың кезекті партиясы келді, ол техникалық ерекшелікке сәйкестігі, зақымданудың бар-жоғы тексерілді. Қыркүйек айында 3000 ноутбук көлемінде тауардың алғашқы партиясы алынды және таратылды, - дейді Шығыс Қазақстан облысының Сыбайлас жемқорлыққа қарсы қызметінің бірінші орынбасары Жігер Байділдин.

Бұл компьютерлер балалар мен мұғалімдерге уақытша пайдалануға, келісім-шарт негізінде берілгенін атап өткен жөн. Қашықтықтан оқыту кезеңі аяқталғаннан кейін құрылғылар мектептердің теңгеріміне қайта берілетін болады.

- Қазір бізде 3754 дана планшет, 880 компьютер толық көлемде беруге дайын. Күні бойы біз 1879 дана компьютерлердің қалған бөлігін және аптаның соңына дейін ноутбуктердің қалған бөлігін жеткізуді күтеміз, - деп атап өтті облыстық Білім басқармасы басшысының орынбасары Әсел Қаербекова.

Айта кетейік, 2020-2021 оқу жылының басында 647 мемлекеттік мектептің 271-і қашықтықтан оқыту форматына көшті. Барлық мектептер цифрлық білім беру платформаларымен қамтамасыз етілген (Оnline mektep.kz, Daryn.online.kz, Edupage.kz). Штаттық режимде 373 мектеп білім алуда. Оқыту санитарлық талаптарды қатаң сақтай отырып жүргізіледі.