Антикордың мобильді тобы азаматтарды қабылдады – Шемонаиха
Шемонаиха ауданында Антикоррупциялық мобильді топтың қабылдауы өтті. Кездесуге ШҚО Кәсіпкерлер палатасының директоры Қайрат Мамырбаев қатысты. Ол жергілікті кәсіпкерлермен кездесіп, қазіргі кездегі маңызды мәселелерді талқылады, деп хабарлайды Altainews.kz тілшісі.
– Кездесу барысында жер және мүліктік құқық, елді мекендерді абаттандыру, қоғамдық көлік жағдайы, автожолдардың сапасы, жеңілдетілген несие беру, жастарды оқыту және жұмысқа орналастыру сынды мәселелер талқыланды, – деп мәлімдейді ШҚО Кәсіпкерлер палатасының баспасөз қызметі.
Мобильді топтың жұмысы сыбайлас жемқорлық құқық бұзушылықтарға деген төзімділікті азайтуға және кез келген сыбайлас жемқорлық көріністеріне «нөлдік» төзімділік ахуалын қалыптастыруға бағытталған.
Азаматтарды олардың тұрған жерлерінде ашық диалог арқылы қабылдау халық арасында алдын алу жұмыстарын жүргізуге және құқықтық сауаттылықты арттыру мақсатында консультациялық көмек көрсетуге мүмкіндік береді.
Фото: ШҚО Кәсіпкерлер палатасы
Оқи отырыңыз
