Облыс орталығының Қазыбек би даңғылының бойында балалар ауруханысы ашылмақ. «100 мектеп, 100 аурухана » бағдарламасы аясында бой көтерген 200 орындық нысан келесі жылы пайдалануға беріледі деп күтілуде, деп хабарлайды Алтайньюс тілшісі.

Бүгін аурухананың құрылыс жұмыстарының қарқынымен танысқан облыс әкімі Даниал Ахметов алдағы уақытты аталмыш нысан Ана мен бала денсаулығын қорғауға арналған соңғы үлгідегі медициналық құрылғылармен жабдықталатындығын атап өтті. Оның құрылғыларына 5 миллиард.теңге көлемінде қаржы қарастырылған.

Облыстық денсаулық сақтау басқармасының басшысы Марат Шоранов болса, бұл аурухана ашылған соң облыстық Ана мен бала орталығы медициналық қызмет көрсетудің төртінші деңгейіне көтерілетіндігін айтады. Алдағы уақытта мұнда нейрохирургиялық, кардиологиялық, реаблитациялық бөлімдер ашылмақ. Демек кішкентай тұрғындарымыз облыста жоқ осындай ем алу үшін Алматы мен Астанаға сабылмайтын болады.