ШҚО-дағы қалалық ауруханалардың бірінің қызметкері емтихандардың бағасын қойып беруге уәде еткен жігітке ақша төлеп, артынан опық жеп қалды, деп хабарлайды Алтайньюс тілшісі.

Анықталғандай, 42 жастағы мейірбике әлгі жігітке 790 мың теңге берген. Ал ол ақша қолға тиген бетте, із-түссіз жоғалып кетеді. Жас жігіт бұрын мұндай қылмыс үшін бірнеше рет сотталған болып шықты.

ШҚО ІІД баспасөз қызметінің мәліметінше, осы оқиғаға қатысты “Алаяқтық” фактісі бойынша сотқа дейінгі терге амалдары басталған екен.