Аягөз ауданында еңбекке қабілетті тұрғындарды жұмыспен қамту және өз кәсібін таба алмай жүрген жандарға арналған дәстүрлі бос жұмыс орындары мен лауазымды қызметтер жәрмеңкесі өтті.

Мақсат - жұмыс іздеп жүрген аудан тұрғындарына кәсіпорындар мен мекемелердегі бос жұмыс орындарын ұсынып, жұмыссыздарға бағыт көрсету. Өз мамандықтары бойынша жұмысқа орналасуына ықпал ету.

Жәрмеңкеде аудандағы 8 мекеме өздеріне қажетті 32 бос жұмыс орындарын ұсынды. Олар келушілерге өздеріндегі бос орындар туралы мағлұмат беріп, қойылатын талаптарды түсіндірді. Жәрмеңкеде әсіресе медицина саласының қызметкерлері, механизатор,   күзет ведомствосы саласындағы әскери атқыштар сынды мамандарға тапшылық анықталды. Сондай-ақ, жеке кәсіпкерлер де әртүрлі жұмыс атқаратын адамдарға өз ұсыныстарын білдірді.

Жалпы жыл басынан бері аудан бойынша 2584 адам жұмыспен қамтылған.