Аталмыш орталықтың кеңесшілерінен демалушылар барлық қажетті ақпаратты ала алады. Ол өз жұмысын жаңа туристік маусымнан бастамақ.

-Жағалауға келген адам жергілікті базалар, қонақүйлер, тамақтану орындары турады тегін ақпарат ала алады, - дейді ШҚО Туризм және сыртқы байланыстар басқармасының басшысы Жасұлан Сәрсебаев. – Бірақ, ең маңыздысы, Алакөлдің емдік қасиеті, оның суының қандай сырқаттарға пайдалы екені туралы ақпарат беріледі.

Сондай-ақ, туристерге бір терезе қағидасы бойынша толық қызметтер кешені көрсетіледі. Алдағы уақытта мұндай ақпараттық орталықтарды ШҚО-ның барлық туристік аймақтарында ашу жоспарланып отыр.