Зайсанның қойнауынан алынып жатқан  Сарыбұлақтың табиғи газы өндірістік нысандардың жұмысына, шағын және орта кәсіпкерліктің дамуына да өз ықпалын тигізбек.

Қазіргі уақытта Зайсан, Тарбағатай аудандарымен қоса Күршім, Үржар аудандарын газдандыру мүмкіндігі де қарастырылып жатыр. Облыста жасалған «Президенттің бес әлеуметтік бастамасы» бағдарламасын жүзеге асырудың жол картасы жоспарында облыстың аталған аудандарын газдандыру мәселесі де көзделініп отыр. Алдағы уақытта бұл аудандарға да магистралді газ құбырлары тартылып, аудан халқы газбен қамтамасыз етілмек.