Өскемен, Риддер қалалары мен Глубокое, Зырян, Зайсан, Катонқарағай, Ұлан, Шемонайха аудандық ауруханаларына кене энцефалитіне қарсы вакциналар жеткізілді. Бұл үшін республикалық бюджеттен 138 млн теңге бөлінген.

Сатып алынған 19 литр иммуноглобулин тұрғындарға тегін егіледі. Облыстық денсаулық сақтау басқармасы өкілдері кене шаққан науқас үш күннен асырмай дәрігерге қаралу керектігін ескертеді. Қоғамдық денсаулық қорғау департаменті мамандарының айтуынша, кене шағу фактісі әсіресе сәуір -мамыр айларында жиі тіркеледі. Кене шаққан жағдайда жедел жергілікті жердегі ауруханаға жүгінген жөн. Екпе сондай-ақ облыс орталығындағы №1 ауруханадағы травматологиялық пункт пен Ана мен бала орталығында жасалады.