Мемлекеттік-жекеменшік серіктестік аясында ауданның белді кәсіпкерлері Прогресс ауылы мен Алтай кентінде балабақшалар құрылысын қаржыландырды.

Бүгінгі күні кәсіпкерлердің бірі Опытное поле ауылында бой көтеріп жатқан жаңа балабақшаның құрылысына атсалысып, құрылыс шығындарын өз мойнына алды. Аудан әкімі Қалиқан Байғонысовтың айтуынша, нысан құрылысы жыл соңында аяқталады. Балабақша құрылысының аяқталуын ауыл тұрғындары да тағатсыздана күтіп жүр. Аудан әкімінің айтуынша, өңірде өзінің азаматтық, әлеуметтік жауапкершілігін сезінетін кәсіпкерлер жыл санап артып келеді.