Ауданда халықты  жиырма жылға жуық уақыт алаңдатып  келе жатқан мәселенің түйіні шешілді. Мұнда енді жаңа жылыту қазандығы бой көтеретін болады.

Осыдан 30 жыл бұрын  салынған қазандықтың әбден тозығы жеткен еді. Бүгінде  аудан орталығын толық жылумен қамтуға оның қауқары жеткіліксіз.

Аудан әкімі Қалихан Байғонысовтың айтуынша, бүгінде қазандық құрылысына арналған екі гектар жер бөлініп, мемлекеттік-жекеменшік серіктестік аясында 3 миллиард теңгеге жуық қаржы  салу жоспарланып отыр. Құрылыс заманауи технология бойынша жүргізілмек. Мұнда сағатына 40 Гкал жылу шығаратын үш бу генераторы орнатылатын болады.