Жарма ауданындағы «Сүлеймен» шаруа қожалығында 100 басқа арналған тауарлы-сүт фермасы салынуда. Бұл нысанның құрылысына 74 миллион теңге қарастырылған.

Биыл тамыз айында «Агрол Апэкс» ЖШС-і мамандары италиялық сүт өткізгіш линиясын орнатпақ. Сондай-ақ екі мың литрлік сүт салқындатқыш қондырғысын тазартуға қауқарлы құрал-жабдықтар да сатып алынады. Аудан әкімі Нұрлан Сыдықовтың айтуынша, биыл Жармада алты сүт қабылдау пункті қызмет көрсететін болады.

– Ағымдағы жылы Қалбатау ауылдық округінде сүтті мал шаруашылығын дамыту мақсатында бір өндірістік кооператив құрылды, - дейді Нұрлан Сыдықов.