Парыгин ауылдық округінде нәтижелі жұмыспен қамту және жаппай кәсіпкерлікті дамыту бағдарламасын жүзеге асыру мақсатында тоғыз адам үш айлық курсты тәмамдады.

Құрылыс және көлік колледжінде қысқа мерзімдік курсты бітірген ауыл тұрғындары үшінші разрядты аспаз мамандығын алып шықты. Ауылдық округ әкімі аппараты мамандарының айтуынша, олар еңбек нарығында сұранысқа ие жұмысшы кадрларды даярлауға баса назар аударуда.

– Нәтижелі жұмыспен қамту және жаппай кәсіпкерлікті дамыту бағдарламасының басты мақсаты – айына 60 мыңнан төмен табыс табатын тұрғындарды жұмыспен қамтамасыз етіп, олардың күнкөріс деңгейін арттыру, - дейді мамандар.