Ауыл мектептерінің ҰБТ нәтижесі, Өскемендегі мектептерден озық екендігін көрсетті
Облыс әкімі Даниал Ахметов Өскемендегі мектептердің білім сапасын сынға алды.
Айталық, Көкпекті ауданындағы толық комплектілі 17 мектептің 6-ында түлектер 100-ден жоғары балл жинаған, ал Өскеменде мұндай көрсеткішке 47 мектептің тек 5-уі ғана жетіпті.
–Мен бұрын қала мектептерінде білім сапасы жоғары ма деп ойлап жүретінмін. Сөйтсем қателесіппін. Өткен ҰБТ-ның нәтижесі керісінше ауыл мектептерінің озық екенін айқын көрсетіп отыр. Ал өскемендік мектеп директорларына айтарым, білім сапасын арттыруға күш салыңыздар. Ол үшін атқарушы билік тарапынан барлық жағдайлар жасалуда, тек нәтиже керек, – деді аймақ басшысы.