Биыл басталған « Нұрлы жер» бағдарламасы бойынша жеке меншік тұрғын үйлер салуға Өскеменнен болашағы бар, қолайлы деген сегіз ықшам аудан аумағы таңдалып отыр.

Қаланың бас жоспары бойынша 20,21,22,25,27,28-ықшам аудандар мен Ахмер және Самсоновка ауылдарына тұрғындар жеке меншік тұрғын үйлерін сала алады.

Бұл сегіз ықшам ауданда тұрғын үй салуға берілетін 6 469 жер учаскесі бар. Сол жер учаскелерінің 3 270-і осыған дейін үлестіріліп үлгерілген екен. Бұл ықшам аудандарға «Нұрлы жер» аясында инженерлік-коммуникациялық инфрақұрылымдар жүргізілетін болады.

Жанаргүл Мұқатай