Өскеменде "Казцинк" ЖШС металлургия зауытының аумағында өрт болды, деп хабарлады жұма күні "Интерфакс-Қазақстан" агенттігіне ІІМ ТЖК ресми өкілі Руслан Иманкұлов.
Оның айтуынша, бейсенбі күні сағат 21:41 зауыттың мыс балқыту цехында от тұтанған.
Өрт сағат 23:53 ауыздықталып, 00:25 сөндірілді. "Өрт аумағы 50 шаршы метрді құраған. Қаза болғандар мен зардап шеккендер жоқ. Өндірістік процесс бұзылған жоқ ", - деп атап өтті Р. Иманкұлов.
Қызыл жалынмен күреске Шығыс Қазақстан облысының өрт сөндіру және апатты құтқару қызметінің жеке құрамының 70 адамы мен 10 техника бірлігі жұмылдырылды.
www.interfax.kz
