Өскемендегі қару сататын дүкендердің барлығы қарауылға алынды. Дүкендердің маңында полиция қызметкерлері кезекшілік етуде.

-Ақтөбедегі оқиғадан кейін Өскемендегі барлық қару-жарақ сататын дүкендер қатаң бақылауға алынды,-деп хабарлайды ШҚО, ІІД баспасөз хатшылығы.

Полиция қызметкерлері облыс орталығындағы қару сататын дүкендердің атын атап, түсін түстеп, нақты санын айтқан жоқ. Ал, «Сафари», «Арсенал ВК» сияқты дүкендер, өздерінің жұмыс кестелеріне ешқандай өзгеріс енгізбегендерін, жұмыс күндері әдеттегідей өтіп жатқандығын айтты.

Дарын Нұрсапаров