Шемонайха ауданында көлік қағып кеткен жаяу жүргінші ауруханада көз жұмды, деп хабарлайды Аltaynews.kz тілшісі облыстық ІІД-нің баспасөз қызметінің ақпаратына сілтеме жасап.
Жол-көлік апаты Шемонайха –Усть-Таловка тас жолының 4 шақырымында тіркелді. «Деу-Нексия» шетелдік көлігінің жүргізушісі түнгі 1 сағат 30 минутта жолда кетіп бара жатқан адамды қағып кеткен. Зардап шегуші Шемонайха аудандық ауруханасына жеткізілгенімен, алған жарақаттарынан көз жұмды.
Екі адам мерт болған тағы бір жол-көлік оқиғасы «Семей-Курчатов» тас жолында орын алды. «Тойота-Камри» көлігі қарсы жолаққа шығып кетіп, «ПАЗ» қоғамдық көлігімен бетпе-бет қақтығысқан. Осы бақытсыз оқиғаның салдарынан «Тойота-Камри» көлігінде отырған екі жолаушы оқиға орнында қайтыс болды.
Мәлімет көзі: Аltaynews.kz