Өндірушілер жемістен жасалатын чипстің картоптан жасалғанынан кем түспейтінін айтады. Онымен қоса бұл картоптан жасалғаннан гөрі денсаулыққа анағұрлым пайдалы болмақ, деп хабарлайды Аltaynews.kz тілшісі.

5 пайыз ылғалдылыққа дейін кептіріліп, вакуум қаптамаға салынған дәм, 2 жылға дейін табиғи құнарлылығын жоғалтпайтын көрінеді.

Авторлар өздерінің ноу-хау өнімдерін «ЭКСПО-2017» көрмесіне ұсынбақшы.

М.Әуезов атындағы Оңтүстік Қазақстан мемлекеттік университетінің «Тамақ өнімдері технологиясы» кафедрасының профессоры Әзірет Шыңғысовтың айтуынша, жемістен жасалатын қытырлақтарға қант және басқа дәм мен иісті күшейтетін зиянды қоспалар араластырылмайды екен.