Өскемен қаласында үйде босанып қалған мүгедек келіншектің пәтерінен жаңа туған нәрестенің мүрдесі табылды. Қазір осы оқиға тексеріліп жатыр., деп хабарлайды Аltaynews.kz тілшісі қалалық ІІБ-нің баспасөз қызметіне сілтеме жасап.

«Өскемен қаласындағы ішкі істер бөлімінің жедел басқару орталығына жедел жәрдем бригадасының фельдшерінен оларға 2 топтағы мүгедектен криминалды түсік жасағаны туралы хабар келіп түскенін хабарлаған.
Пәтерді тексеру кезінде жаңа туған нәрестенің мүрдесі табылды. Сәби тоғыз айлық. Қыз баланың жақ сүйегі мен бұғанағының үстінен жарақаттардың ізі байқалады. Қазір осы оқиғаға қатысты ҚР ҚК –нің 97-бабына сәйкес қылмысты іс қозғалды» делінген баспасөз парағында.