Елімізде темекі мен алкоголь өнімдеріне акциз көтерілетін болды. Бұл туралы Экономика және бюджеттік жоспарлау министрі Ерболат Досаев мәлімдеді, деп хабарлайды Аltaynews.kz тілшісі.
Оның айтуынша, қазір 1 мың темекі үшін акциз 1550 теңгені құрайды. 2014 жылға қарай бұл көрсеткішті 3 мың теңгеге жеткізу арқылы, шылымның бағасын 100% қымбаттату жоспарланған.
Ал 2020 жылға қарай оның бағасын 10000-ға дейін көтеру көзделіп отыр. Қымбатшылық алкогольді ішімдіктерді де айналып өтпейді.
Бүгінгі күні 1 литр спирт үшін акциз 500 теңге болса, 2014 жылы ол 1 мың теңгеге, ал 2016 жылы 1600 теңгеге дейін көтеріледі.