Өскемен қалалық әкімдігінің бұрынғы шенеунігінің үстінен қылмысты іс қозғалды. 33 жастағы Жанет Нұрланға аса ірі мөлшерде алаяқтық жасады деген айып тағылуда, деп хабарлайды Аltaynews.kz тілшісі.

Шымкенттің тумасы Жанет Нұрлан Өскеменнің кезіндегі әкімі Ислам Әбішевтің командасында қызмет істеген болатын, ол қалалық экономика және бюджеттік жоспарлау бөлімін басқарды. Оның қызметтен қалай, қашан кеткенін ешкім де байқамай қалған. Қазір оған мемлекетаралық іздеу жарияланды.

Облыстық қаржы полициясының баспасөз қызметінде шенеуніктің үстінен қылмысты іс қозғалғанын айтты.