Бүкіл ел аумағында өткізіліп жатқан «Мектепке – жол» акциясына Ұлан ауданына қарасты Алмасай ауылының имамы Ербол Әмірханов та өзіндік үлесін қосты. Ол төрт балаға мектепке қажетті оқу құралдары мен сөмкелер сатып алып берді, деп хабарлайды Аltaynews.kz тілшісі.
– Тұрмысы төмен отбасыларға қол ұшын беру – бәріміздің азаматтық парызымыз. Біздер өзіміздің іс-әрекетіміз арқылы халыққа жақсылыққа жетелейтін қайырымдылық шараларына атсалысып, көмек қолын созу керектігін ұқтырғанымыз жөн, – дейді ол.
Оқу жылы қарсаңында балаларының қажеттіліктері өтелген ата-аналар имамға ризашылықтарын білдірді.