Зырян ауданында жастар үшін салауатты отбасын құру және оны сақтау мәселесіне арналған семинар-тренинг ұйымдастарылды, деп хабарлайды Аltaynews.kz тілшісі.
Аудандық білім беру бөлімінің қолдауымен Чапаево орта мектебінде өткен семинарға балалар педагогикасы мен психологиясы саласының мамандары қатысты. Іс-шараның модераторлары ата-ананың бала тәрбиесіндегі рөлінің маңыздылығын әртүрлі тәсілдермен түсіндірді.
Семинар-тренингке қатысушылардың пікірінше, аталған жоба жас ата-аналарды тәрбиенің заманауи әдіс-тәсілдеріне баулиды. Жас ата-аналар үшін бұл басқосудың берері мол. Сонымен қатар, семинар барысында жастардың проблемалары және оны шешу жолдары талқыланды.
Еркін ой бөлісуге мүмкіндік беретін дөңгелек үстелдер, пікірталастар семинар маңыздылығын арттыра түсті.