Шығыс Қазақстан облысында КамАЗ жүк көлігінің астына кіріп кеткен жеңіл көліктің жүргізушісі мерт болды, деп хабарлайды Аltaynews.kz тілшісі.

Облыстық жол полициясының баспасөз қызметінің мәліметіне сүйенсек, Өскемен-Самар тас жолының 22 шақырымында жол-көлік апаты орын алды.

Жол сақшыларының айтуынша, ВАЗ-21099 жеңіл көлігінің 27 жастағы жүргізушісі жылдамдықты шамадан тыс арттырудың салдарынан КамАЗ-5320 жүк көлігінің астына кіріп кеткен.

Бақытсыз оқиғаның салдарынан ресейлік көліктің жүргізушісі алған жарақаттардан апат орнында қайтыс болды.