Өскемен қаласында тағы бір зейнеткер қоғамдық көліктен түсу кезінде жарақат алды. Бұл жолы 76 жастағы қария автобустан түсіп келе жатып құлап, жамбасын сындырған, деп хабарлайды Аltaynews.kz тілшісі.

Облыстық жол полициясының баспасөз қызметінде хабарлағандай, таңғы 9 сағатта ІІД-нің жедел басқару орталығына әйел адам шағымданған. Ол облыс орталығының «Ровесник» аялдамасында №7 автобустан түскен кезде құлап, жарақаттанғанын айтқан.

Жедел іздестіру шараларының нәтижесінде Хюндай көлігінің жүргізушісі анықталды.

Қазір тексеру жүргізіліп жатыр.