Өскемен қаласының 85 жастағы тұрғыны автобус жұлқып қозғалған кезде құлап, жамбасын сындырып алды, деп хабарлайды Аltaynews.kz тілшісі.

Облыстық ішкі істер департаменті баспасөз қызметінде хабарлағандай, облыс орталығындағы Буров көшесінде орналасқан жарақат пунктіне 85 жастағы қария түскен.

Дәрігерлік тексеру қарт адамның жамбас сүйегі сынғанын анықтады.

Зардар шегушінің сөзіне қарағанда, №60 автобус Қайсенов көшесіндегі аялдамадан кенет жұлқып қозғалған кезде ішінде отырған жолаушы құлап, жарақат алыпты.

Қазір осы оқиғаға қатысты тексеру жұмыстары жүріп жатыр.