Биылғы оқу жылында ғана семейлік 726 оқушы түрлі білім олимпиадаларына қатысса, оның 71-і жүлделі 1-3 орындардан көріне білді, деп хабарлайды Аltaynews.kz тілшісі.

Мәселен, «Қоршаған орта және адам денсаулығын қорғау» атты республикалық ғылыми жобалар байқауында экономикалық лицейдің оқушылары С.Орымбаев пен Ә. Тұрғамбаева алтын медальға ие болса, №6 гимназияның оқушылары А.Нұрбаева мен Г.Аймақова күміс және қола медальдарға қол жеткізді.

Ал Талдықорғанда өткен пәндік олимпиадада семейлік А. Сорокина, Ә.Сәдуова, Ж.Маратова, К.Просоленко, А. Әбдрахманова, Ш.Айдынов және Ш.Садритте ерекше алғырлықтарымен ерекшеленді.

Бұл дарынды оқушыларды ж Семейдегі балалар мен жастардың шығармашылық үйінде өткен жиында қалалық әкімдік пен білім бөлімінің басшылары марапаттады.