ШҚО Глубокое ауданындағы Верх-Берёзовка кентінде өрттенген қараусыз үйден 57 жастағы ер адамның жанып кеткен денесі табылды, деп хабарлайды Аltaynews.kz тілшісі.

Облыстық ТЖД-нің баспасөз қызметінде хабарлағандай, өрт 8 пәтерлі екіқабатты адамдар тұрмайтын барақ типтес үйде шыққан. Өрт сөндірушілер келгенше тілсіз жау үйдің ағаш бөліктерін, төбе жабындыларын түгел жалмап үлгеріпті.

Отты ауыздықтау кезінде жанған шатыр опырылып түсті.

Ғимаратты тексерген құтқарушылар екінші қабаттағы ас үйден 57 жастағы ер адамның өртеніп кеткен мәйітін тапты.

Тілсіз жау 120 шаршы метр жерге жайылған.