Сәуір айынан бастап мемлекеттік білім берудің жинақтау бағдарламасы қолға алынады. Бұл бағдарламаның кәдімгі депозиттерден айырмашылығы банктік сыйақыдан бөлек, салымшының әлеуметтік жағдайына қарай 5-тен 7% аралығында мемлекеттік сыйақы қосылады, деп хабарлайды Аltaynews.kz тілшісі.
"Бұл бағдарламаның кәдімгі депозиттерден айырмашылығы банктік сыйақыдан бөлек салымшының әлеуметтік жағдайына қарай 5-тен 7% аралығында мемлекеттік сыйақы қосылады. Және ол жиналған қаржының көлеміне байланысты жыл сайын үстемеленіп отырады. Бір айта кететіні, мемлекеттік сыйақы көлемі 100 АЕК-тен аспауы тиіс" деді «Қаржылық орталық» АҚ-ның президенті Забира Оразалиева.
Ол үшін еліміздің кез келген азаматы банкте білім берудің жинақтау есепшотын аштырып, келешекте оқуына қажетті қаржыны жинай алады. Салымшының алғашқы жарнасы 3 АЕК-тен кем болмауы керек.
