Аймақтағы 50 тірек ауылының бас жоспарын жеделдетіп жасауға тапсырма берілгенімен, бүгінде олардың тең жартысынан астамы құжатсыз отыр , деп хабарлайды Аltaynews.kz тілшісі.
Қазіргі күні бас жоспар Семей қаласы мен Аягөз, Бесқарағай, Күршім, Бородулиха және Көкпекті аудандарындағы 21 ауылда ғана жасалыпты.
Жарма, Зайсан, Ұлан аудандарындағы 8 ауылдың бас жоспарын жасау енді ғана қолға алын-
ған.
Глубокое, Зырян, Катонқарағай, Шемонайха аудандарындағы 13 тірек ауылының жоспары биыл жасалмақ.
Облыстық экономика және бюджеттік жоспарлау басқармасының бастығы Е.Ясинскаяның айтқанындай, Абай, Тарбағатай, Үржар аудандары бойынша осы өңірлердегі 8 тірек ауылының бас жоспарын жасауға биылға қаржы қарастырылмаған.
Аудандарда тірек ауылдарын дамытудың 2013-2014 жылдарға арналған кешенді жоспарын жасау да сылбыр жүргізіліп жатыр. Өндіріс орындарын құру, жаңа жұмыс орындарын ашу бағытындағы жұмыстар әзірге күткендегідей нәтиже бере қойған жоқ.
