ҚР Ішкі істер министрі Қалмұхамед Қасымов 7-9 ақпан аралығында Шығыс Қазақстан облысының азаматтарын жеке мәселелері бойынша қабылдайды, деп хабарлайды Аltaynews.kz тілшісі.

Бүгін Шығыс Қазақстан облысына ҚР Ішкі істер министрі Қалмұхамед Қасымовтың жетекшілігімен республикалық ақпараттық-насихаттау тобы (РАНТ) келді.

7-9 ақпан аралығында РАНТ мүшелері ҚР Президенті Жолдауының негізгі бағыттарын түсіндіру мақсатында облыстың 11 аймағына барады.

Іссапар барысында ҚР ІІМ министрі облыстың үш қаласы мен сегіз ауданында азаматтарды жеке мәселелері бойынша қабылдауды жоспарлап отыр.