Глубокое ауданындағы Прапорщиково ауылының қасынан өтетін Ертіс өзенінде су көтерілгендіктен жер асты суларының деңгейі жоғарылады. Соның салдарынан 3 тұрғын үйді су басып қалу қаупі туындады, деп хабарлайды Аltaynews.kz тілшісі.
Облыстық төтенше жағдайлар департаментінің мәліметі бойынша, су басу қаупін жою үшін оқиға орнына екі КамАЗ көлігімен шлак жеткізіліп , ұзындығы 40 метр, биіктігі 60 см ыдыс-қаптан жасалған бөгет қойылды. Оқиға орнында облыстық ТЖ департаменті мен жергілікті атқарушы биліктің адамдары жұмыс істеді. Қазір жағдай тәулік бойы бақылауға алынған.