Қала шырт ұйқыда жатқанда, коммуналдық қызметтердің жұмысы қызады. «Таза Өскемен» мекемесінің мамандары шаһар көшелерін санитарлық тазалықта ұстай отырып, тәулік бойы кезекшілік жүргізеді.

Белгілі болғандай, коммуналдық шаруашылық қызметкерлері қала тұрғындарына қолайсыздық туғызбау әрі еңбек тиімділігін арттыру мақсатында жұмыстарының негізгі көлемін түнде орындайды екен.

Түнгі мезгілде кәсіпорын жұмысшылары жолдар мен тротуарларды заманауи машиналардың көмегімен жуады. Бұл қаладағы шаң-тозаң мен кір деңгейін төмендету үшін қажет. Сонымен қатар тәуліктің қараңғы уақытында қалалық гүлзарлар мен жасыл желектерді суару жұмыстары жүргізіледі. Сондай-ақ «Таза Өскемен» мамандары таңғы уақытта қаладағы қоғамдық орындарды тазалауда дәстүрге айналдырған.