Аягөз ауданының орталығында «Табиғатты аялайық, болашақты ойлайық» тақырыбында «Саябақтар шеруі-2012» акциясы болып өтті, деп хабарлайды Altaynews.kz тілшісі.
Оған Аягөз орман шаруашылығының орманшылары, №3 орта мектептің мұғалімдері мен оқушылары қатысты. Шара барысында «Тау-дала» филиалының Аягөз орманшылығы орманшысының көмекшісі Аманғазы Серіков, орман шаруашылығының мемлекеттік инспекторы Мырзағажы Самалов, қалалық №3 орта мектеп директорының тәрбие жұмыстары жөніндегі орынбасары Мәдина Тұмарбаева акцияның мақсатымен таныстырып, жасөспірімдерді табиғатты қорғауға, аялауға шақырды.
Жиын соңында табиғатты қорғауға, жеріміздегі аң-құстарды сақтауға, оларды аялауға арналған оқушылардың әдеби-сазды қойылымы көрсетіліп, мектеп ауласына көшеттер отырғызылды.