Филиппин жағалауында «Азамара Квест» деп аталатын саяхат кемесінің машина бөлімінде шыққан өрттен кейін, кеме ағынның күшімен қалқып келеді. Онда 1 мыңға жуық адам бар екені белгілі.
Кемеге ие компания өкілдерінің мәлімдеуінше, жолаушылар арасынан ешкімге зақым тиген жоқ, алайда өртті сөндіру кезінде экипаждың 5 мүшесі күйік алған. Саяхат кемесі Манила қаласынан 29 наурызда шығып, Сингапурға бет алған болатын. Өрттің шығуына не себеп болғаны әзірше белгісіз. Теңізде өз бетімен қалқып келе жатқан лайнерге Филиппин жағалау күзетінің екі кемесі жіберілген.
http://khabar.kz