Құтқарушылар қолөнер сайысының қорытындысын шығарды
ҚР Құтқарушылар күні қарсаңында ШҚО ТЖД қызметкерлерінің балалары арасында қолөнер сайысы өтті. Негізгі бағыт, балалардың құтқарушылар кәсібіне қызығушылықтарын арттыру, өскелең ұрпаққа қауіпсіздік мәдениетін үйрету. Жеңімпаздар дауыс беру арқылы анықталды, шешімдер көпшілік дауыспен қабылданды,- деп хабарлайды Altainews.kz тілшісі.
“Балалардың шығармашылығын бағалау өте қиын, бірақ сайыстың аты сайыс. Әділ қазылар композицияның жаңашылдығын және қиындығын бағалады. Бұл жерде әрбір туынды марапатқа лайықты. Қолөнер әр түрлі материалдардан жасалған. Қатысушылар өздерінің “шедеврлерімен” әкелерінің кәсібі және қауіпсіздік ережелері туралы айтты,- деді ШҚО ТЖД бастығының орынбасары Айдын Мұстафин.
1 орынды Шемонайха ауданынан Азалия Муслимова иеленді, ол “Орманды қорғаңдар” макетін жасады, 2 орынды Нұрәлі Қасаинов алды, оның туындысы “Саяжайдағы өртті алдын ал”, құтқарушылардың тұрғын үйдегі өртті сөндірулері бойынша композициясы үшін Айлана Белдеубаева 3 орынға ие болды.
Оқи отырыңыз
