Өскемен қаласындағы Металлургтер көшесінде орналасқан көппәтерлі үйдің 2 қабатындағы пәтерден өрт шығып, мамандар оқиға орнына жедел жеткен.

Өрт сөндірушілер ғимарат ішінен балалы әйелді құтқарды, деп хабарлайды Altaynews тілшісі.

15 тұрғын ғимараттан өз бетінше шыққан. Мамандар газ баллонын сыртқа уақтылы шығарып, ауданы 5 шаршы метрді құрайтын жалынды сөндірді.

Мамандар құтқарған әйел мен оның баласы өрт ошағына көрші орналасқан пәтерден шыға алмай қалған.

Болжам бойынша, электр жабдығын монтаждау және пайдалану кезінде өрт қауіпсіздігі ережелерін дұрыс орындамағандықтан жалын пайда болған.

Өртті сөндіруге 4 техника және жеке құрамның 15 қызметкері жұмылдырылды.

ШҚО ТЖД ақауды уақтылы жойып, қауіпті электр сымдарын пайдаланбауды, пәтерден шыққан кезде барлық электр құралын өшіруді және оларды пайдаланғанда барлығын бір розеткаға қоспауды еске салады.

Өрт кезінде «101» немесе «112» нөміріне хабарласу керек.