– Қазір «Бірқабатты Шығыс» жобасының аясында 30 пәтер салып жатырмыз. Ол 28-шағын ауданда орналасқан. 30 пәтерлі 15 үй. 20 пәтер – 85 шаршы метрді, 10-ы 65 шаршы метрді құрайды. Бүгінгі таңда шаршы метрін 200 мың теңгеге салып жатырмыз, келесі жылы бағасын тағы қарастырамыз. Екі пәтерлі үйлер кірпіштен салынады. Су, кәріз желісі, электр желісі бар. Енді жол салынып жатыр. Үйлерді қазан айында бітіріп, қолданысқа береміз деп жоспарлап отырмыз. Қазір бордюр орнатылған. Тек жолға асфальт төсеу қалды. Сонымен қатар аталған ауданда 120 үй қолданысқа берілген, – деп түсіндірді Өскемен қалалық құрылыс бөлімінің басшысы Қайрат Танекенов.