ШҚО ПД бастығы азаматтарды қабылдады
Фото: ШҚО ПД ресми парақшасынан алынды
ШҚО ПД бастығы полиция генерал-майоры Ерлан Омарбеков қабылдауға келген облыс тұрғындарымен кездесті.
2 сағатқа жуық уақытқа созылған қабылдауда ПД бастығына 8 тұрғын жүгінді. Олардың кейбірі бейнеконференция арқылы байланысты, деп хабарлайды Altaynews тілшісі.
Кездесу барысында қылмыстық істерді тергеу фактілеріне, жол қауіпсіздігіне, кадр саясатына қатысты түрлі мәселелер қаралды. Сонымен қатар №6 орта мектептің өкілі Айгүл Санатова қиын жағдайға тап болған отбасындағы оқушыға көмектескен Өскемен қаласы полиция басқармасының қызметкерлеріне алғыс білдірді.
– Бауырмалдық, алаңдаушылық танытқандарыңыз үшін рақмет! Қарбалас жұмыс кестесіне қарамастан игі істерге уақыт табатын осындай кәсіби қызметкерлерді тәрбиелеген жандарға алғыс айтамын! – деп атап өтті мектеп әкімшілігі.
Қабылдауға басқарма басшылары да қатысты. ПД бастығы оларға нақты фактілер бойынша жедел шара қабылдауды тапсырды.
Оқи отырыңыз
