Күршім ауданындағы Ақбұлақ және Егіндібұлақ ауылдарының арасында жүк көлігі аударылып қалды, деп хабарлайды Altaynews тілшісі. 

 Бұл - бүгін болған оқиға. Цистерналы көлікте 23 тонна күкірт қышқылы болған. Апат салдарынан, шамамен, 20-21 тонна күкірт қышқылы төгіліп қалды. 

Қазіргі уақытта аудан әкімі мен уәкілетті органдардан құрылған комиссия оқиға орнында жүр. Мамандар арнайы техникамен құтқару жұмыстарын жүргізді. 

Құқықтық бағалау және жауапкершілік заңнамаға сәйкес айқындалады. Қосымша ақпаратты тиісті мекемелер хабарлайды.