Мемлекет басшысының тапсырмасына сәйкес әр өңірде психологиялық қолдау орталықтары ашылып жатыр, деп хабарлайды Altainews.kz тілшісі.

Оқу-ағарту министрлігінің ақпараты бойынша, мұндай орталықтар 15 өңірде жұмыс істеп тұр.

Бұл туралы Орталық коммуникациялар қызметінде өткен брифингте Балалардың құқықтарын қорғау комитеті төрағасының орынбасары Юлия Овечкина мәлімдеді.

Оқу-ағарту министрлігі психологиялық қолдау орталықтарын дамыту арқылы педагог-психологтардың әлеуетін арттыру бойынша белсенді жұмыс жүргізуде.

Мұндай орталықтардың басты мақсаты – балаларға ғана емес, олардың ата-аналары үшін де қолдау көрсету, сондай-ақ педагогтер үшін бірлесіп кеңесетін, өзара тәжірибемен бөлісіп, әдістемелік ұсынымдар алатын орынға айналу. Жыл соңына дейін қалған облыстарда да орталықтар ашылады деп жоспарлануда.

Айта кетейік, орталықтарды ашу бойынша іс-шара Балаларды зорлық-зомбылықтан қорғау, суицидтің алдын алу және олардың құқықтары мен саламаттылығын қамтамасыз ету жөніндегі 2023-2025 жылдарға арналған кешенді жоспарда көзделген.