ШҚО ТЖД-да ерлік танытқан азаматтар марапатталды
Фото: gov.kz
Конституция күніне орай ШҚО ТЖД-да салтанатты кеңес өтті.
Кеңесте еңбегімен көзге түскен өрт сөндірушілер мен өртті уақтылы байқап, сөндіруге атсалысқан бірнеше азамат марапатталды, деп хабарлайды Altaynews тілшісі.
– Конституция – еліміздің қарқынды дамуының негізі, қоғамдағы тұрақтылықты сақтаудың кепілі. Біздің басты мақсатымыз – азаматтық жауапкершілік пен азаматтардың қауіпсіздігін арттыру. Бұған еліміздің аумағы мен халқын төтенше жағдайлардан қорғауды қамтамасыз ететін азаматтық қорғау органдарының қызметкерлері лайықты үлес қосып жүр. Осы мереке күні баршаңызға бақыт пен денсаулық, бейбітшілік пен жақсылық, табыс пен амандық тілеймін, – деді департамент бастығы генерал-майор Ерлан Нұрпейісов.
Шарада қызметтік борышын орындауда үздік нәтиже көрсеткен өрт сөндірушілер мен құтқарушыларға төтенше жағдайлар министрінің бұйрығы бойынша медаль мен грамота табысталды. Сонымен қатар Өскемен қаласындағы Виноградов көшесінде орналасқан үйдегі өртті байқап, оны сөндіруге атсалысқан Жандос Рахметұлы мен Думанбек Рахымбаев, Ұлан ауданы Айыртау ауылында қолда бар құралдармен өрт сөндіріп, газ баллонын қоймадан шығарып, жарылыстың алдын алған Алмаз Қадылбеков пен Асылбек Рагызбаев марапатталды.
Оқи отырыңыз
