Елімізде алдағы тәуліктерде күн суыта бастайды.

Солтүстік атлантикалық циклон мен скандинавиялық антициклонның әсерімен жаңбыр жауып, қарға ұласуы мүмкін, деп хабарлайды Altaynews.kz тілшісі.

Шығыс, орталық, солтүстік өңірде  түнгі уақытта аяз түседі. Сынап бағаны -5 градусты көрсетеді.

21-23 қазан аралығында нөсер жауын жауады деп болжанып отыр. Күндіз ауа температурасы +10 градусқа дейін төмендеуі ықтимал.

Өскемен аумағында да демалыс күндері жауын-шашын болады. Сынап бағаны күндіз +10-13 градусты көрсетсе, түнде -3 градусқа дейін төмендейді.